Ծաղկազարդի Տօնը Այնճարի Մէջ
Այսօր՝Կիրակի 9 Ապրիլ 2017-ին,Այնճարի երեք համայնքներու եկեղեցիներընշեցին, Յիսուս Քրիստոսի փառաւոր ու յաղթական մուտքը դէպի Երուսաղէմ, որ ծանօթ է որպէս Ծաղկազարդ:
Այնճարի Հայ Առաքելական «Ս. Պօղոս» եկեղեցւոյ մէջ տեղի ունեցաւ եկեղեցական արարողութիւն՝ որու ընթացքին քարոզեց Լիբանանի Հայոց թեմի առաջնորդ՝ Տէր Շահէ Եպս. Փանոսեանը ու պատարագի ընթացքին ան օծեց երկու սրբանկարներ, որմէ ետք հաւատացեալ ժողովուրդը ձիթենի ճիւղերով եւ մոմերով հետեւեցաւ ծաղկազարդի թափորին որ շրջեցաւ եկեղեցւոյ շրջափակը:
Այնճարի Հայ կաթողիկէ «Ս. Աստուածածնայ Տիրամայր» եկեղեցւոյ մէջ պատարագեց եւ քարոզեց հայր Մեսրոպ. Վրդ. Թօփալեանը: Եկեղեցական արարողութեան աւարտին ծաղկազարդի թափորը շրջեցաւ եկեղեցւոյ բակը:
Այնճարի Հայ Աւետարանական եկեղեցւոյ մէջ Կիրակնօրեա յվարժարանի աշակերտները ներկայացուցին ծաղկազարդի երգեր եւ կենդանի պատկերներ, իսկ տօնին պատգամը փոխանցեց Պատուելի Յակոբ Ագպաշարեան:
